ليه يا رب..
أنا ليه بقيت متردده؟
أنا جيت من الغيب للحياه بالغصب
ولا جيت متعمده؟
ليه البشر حاسين بحيره وباغتراب؟
امتى الوجع يخلي سبيلنا
وينتهي كل العذاب؟
نفسي أعيش لحظة سلام
مفيهاش صراع من أي نوع
أو انفصام
مفيهاش عناء .. مفيهاش غباء
مفيهاش تعارض .. أو تناقض .. والتواء
نفسي أعيش لحظة سكون من غير كلام
نفسي يوم أصبح ألاقي الكون
تجرّد واستقام
ليه كل أحلامي مرفوضة هنا؟
ليه مش تمللي الأمنيات الطيبة
بتبقى حقيقه وممكنه؟
ليه بـَنـْجرح وأدفع تمن علشان مصره أكون أنا؟
0 comments:
Post a Comment